۱۳۹۰ تیر ۱۸, شنبه

وە داخ و پەژارەییگ فرە ژنەفتیم کە ئەندام هێژای لاپەڕەگەمان

وە داخ و پەژارەییگ فرە ژنەفتیم کە ئەندام هێژای لاپەڕەگەمان و دڵسوز هەمیشەیی زوان و فەرهەنگ کوردی خوارگ کاک "کرماشان گۆڕان" ڕووژ یەکشەممە لە ماڵ خوەی لە شار کۆڵن ئاڵمان کەفتە وەر هیرش چەقو و گیانی شیرینی لە دەس دا. ئیمە وەڕی وەرەیل لاپەڕەی کوردزوان وەی بونەو پرسە و سەرەخوەشی خوەمان پیشکەش کەیمنە بنەماڵە و گش .
هاوڕیەیل ئی بەڕێزە، هیواداریم کە ڕوحی شاد بوو.


=== زەڵان هەڵس ===
شیئریگ لە جەلیل ئاهەنگەرنژاد، پیشکەش وە ڕووحی کاک کرماشان گۆڕان

چەنیگه هامه چەرخەگەی
وڵات چەفته چارەگان
زەلان هەڵس! بشیونەم!
هه جوور گیس دارەگان
هه جوور یەی شەوارەکەر!
شەکەت شەکەت، وه بی خەوەر!
وه بی ت بوومه دەر وه دەر
له کۊچەگان شارەگان
وه سەف وسانه یەک وه یەک
وه یەی چراخ بی نزەو
منەی م کەن پەژارەگان
منەی ت کەن هەسارەگان
چەنیگه بیستۊن منەی
فەرای عاشقی نیەکەی!
له ساڵ سمکوو و سیەی
شیرین سەرسوارەگان
چراخ تاشەگان بەرز
چەوەیل مانگ و خوەر تنی!
دواره باڵ چەو بیه
سەحەر له سەردیارەگان
----------------------------------------
‫دڵم یەتیمه داڵگه - "ئەڕا کەسەیلی که چراخ چەو داڵگیان له ماڵیان نیه و ئەڕا خوەم که تا ئەبەد لەی چراخە نائومیدم" ڕەزا مەوزوونی


چراخ چەو ت دی نیه، دڵم یەتیمه داڵگه
ت چیدن و منیش مەنم، خودا کەریمه داڵگه
له وای گەڵا وه زەیو ڕزم، م له ت بیشترەک سزم
ت داخ خوەد ک نەیدنه، وەلی م دیمه داڵگه
دوای چەوەیل کاڵ ت، بەشم بیوه وە بی بەشی
گوڵی له باخ دڵخوەشی، م کەی کەنیمه داڵگه؟
خەزان ڕشی له باخ گوڵ، پف کەیدنه چراخ گوڵ
نیشتن خەمین له داخ گوڵ، ڕەسم قەدیمه داڵگه
من و خەیاڵ دۊر ت، وه پڕشه پڕش نۊر ت
ک کۊچه کۊچه هۊر ت، وه دڵ دەویمه داڵگه
لوای لوو فرشتەگان، ڕەسیده ماڵ ئاسمان
وه باڵ وشکمان بنوور، هیمان مەنیمه داڵگه
================
لوای لوو = پا به پا‬
----------------------------------

هیچ نظری موجود نیست:

ارسال یک نظر