رۆژی 29/1 له‌سه‌رتاسه‌ری جیهاندا ئێران “شه‌رمه‌زار” ده‌كرێت
بڕیاره رۆژی 29ی ئه‌م مانگه له‌زۆربه‌ی وڵاتانی جیهان‌و له‌شاری هه‌ولێر دژی سزای له‌سێداره‌دان له‌ئێران خۆپیشاندانێكی سه‌راسه‌ری به‌ڕێوه‌بچێت.
ئاوێنه: چاودێری كوردۆساید له‌ئاگادارینامه‌یه‌كدا كه وێنه‌یه‌كی بۆ سایتی ئاوێنه ناردوه كات‌و شوێنی خۆپیشاندانه‌كان له وڵاتانی جیاجیای جیهان ده‌ستنیشان ده‌كات.
ده‌قی ئاگادارینامه‌كه‌ی كوردۆساید ده‌خوێننه‌وه:
رۆژی 29 مانگ له سه‌رتاسه‌ری جیهان كۆماری ئیسلامی ئێران شه‌رمه‌زار ده‌كرێت
تایبه‌ت به كوردۆساید
بڕیار وایه له رۆژی 29 مانگ له سه‌رتاسه‌ری جیهان دژ به حوكمی ئیعدام له ئێران خۆپیشاندانی سه‌رانسه‌ری ساز بكرێت، به‌م شێوه‌یه‌ی خواره‌وه:
نه‌رویج:
شاری ئۆسلۆ به‌رده‌م باڵوێزخانه‌ی ئێران كاتژمێر 1 بۆ 2 ی پاش نیوه‌ڕۆ.
كاتژمێر 2 بۆ 3 ی پاش نیوه‌ڕۆ به‌رده‌م وزاره‌تی ده‌ره‌وه‌ی نه‌رویج .
شاری ئۆسلۆ به‌رده‌م باڵوێزخانه‌ی ئێران كاتژمێر 1 بۆ 2 ی پاش نیوه‌ڕۆ.
كاتژمێر 2 بۆ 3 ی پاش نیوه‌ڕۆ به‌رده‌م وزاره‌تی ده‌ره‌وه‌ی نه‌رویج .
ئه‌ڵمانیا:
فرانكفۆرت 2 پاش نیوه‌ڕۆ له به‌رامبه‌ر كۆنسڵگه‌ری كۆماری ئیسرمی ئێران(Raimundstraße 90 )، كاتژمێر 4 ی پاش نیوه‌ڕۆ ناوه‌ندی شار (هاویت واخه).
بریمن :29-1 كاتژمێر 2 تا 5ی پاش نیوه‌ڕۆ له Marktplatz
كۆڵن: 29-1 كاتژمێر 1بۆ 3 پاش نیوه‌ڕۆ مه‌یدانی دۆم پلاته.
هامبۆرگ: 29-1 دریژه‌ی دواتر راده‌گه‌یه‌نرێت.
فرانكفۆرت 2 پاش نیوه‌ڕۆ له به‌رامبه‌ر كۆنسڵگه‌ری كۆماری ئیسرمی ئێران(Raimundstraße 90 )، كاتژمێر 4 ی پاش نیوه‌ڕۆ ناوه‌ندی شار (هاویت واخه).
بریمن :29-1 كاتژمێر 2 تا 5ی پاش نیوه‌ڕۆ له Marktplatz
كۆڵن: 29-1 كاتژمێر 1بۆ 3 پاش نیوه‌ڕۆ مه‌یدانی دۆم پلاته.
هامبۆرگ: 29-1 دریژه‌ی دواتر راده‌گه‌یه‌نرێت.
كانادا :
تۆرنتۆ: 29-1 كاتژمێر 2 بۆ 4 ی پاش نیوه‌ڕۆ
شوێن: ته‌قاتعی یانگ و دانداس به‌رامبه‌ر ئیتۆن سه‌نته‌ر .
ڤانكۆڤه‌ر: 29-1 كاتژمێر 2 ی پاش نیوه‌ڕۆ به‌رامبه‌ر ئارت گه‌له‌ری "
ئۆتاوا: 29-1 كاتژمێر 12 بۆ 2ی پاش نیوه‌ڕۆ به‌رامبه‌ر پارله‌مانی ئۆتاوا.
تۆرنتۆ: 29-1 كاتژمێر 2 بۆ 4 ی پاش نیوه‌ڕۆ
شوێن: ته‌قاتعی یانگ و دانداس به‌رامبه‌ر ئیتۆن سه‌نته‌ر .
ڤانكۆڤه‌ر: 29-1 كاتژمێر 2 ی پاش نیوه‌ڕۆ به‌رامبه‌ر ئارت گه‌له‌ری "
ئۆتاوا: 29-1 كاتژمێر 12 بۆ 2ی پاش نیوه‌ڕۆ به‌رامبه‌ر پارله‌مانی ئۆتاوا.
سوید:
مالمۆ: 29-1 كاتژمێر 1 بۆ 3ی پاش نیوه‌ڕۆ : Davidhallsbron
ستۆكهۆڵم: 29-1 كاتژمێر 2 بۆ 4ی پاش نیوه‌ڕۆ له گۆڕه‌پانی سرگڵ.
یۆتۆبۆری: 29-1 دواتر ورده‌كارییه‌كانی بڵاو ده‌كرێته‌وه .
مالمۆ: 29-1 كاتژمێر 1 بۆ 3ی پاش نیوه‌ڕۆ : Davidhallsbron
ستۆكهۆڵم: 29-1 كاتژمێر 2 بۆ 4ی پاش نیوه‌ڕۆ له گۆڕه‌پانی سرگڵ.
یۆتۆبۆری: 29-1 دواتر ورده‌كارییه‌كانی بڵاو ده‌كرێته‌وه .
به‌ریتانیا:
له‌نده‌ن: 29-1 كاتژمێر 2 بۆ 4ی پاش نیوه‌ڕۆ گۆڕه‌پانی ترافالگار به‌رامبه‌ر ناشنال گه‌له‌ری
Trafalgar Square، North Terrace (outside the National Gallery)
له‌نده‌ن: 29-1 كاتژمێر 2 بۆ 4ی پاش نیوه‌ڕۆ گۆڕه‌پانی ترافالگار به‌رامبه‌ر ناشنال گه‌له‌ری
Trafalgar Square، North Terrace (outside the National Gallery)
هۆڵه‌ندا
لاهای: هه‌ینی 28-1 له به‌رامبه‌ر پارله‌مان كاتژمێر 3 بۆ 5ی پاش نیوه‌ڕۆ
لاهای: هه‌ینی 28-1 له به‌رامبه‌ر پارله‌مان كاتژمێر 3 بۆ 5ی پاش نیوه‌ڕۆ
ئه‌فغانستان:
كابول، هه‌رات، مه‌زار شه‌ریف، قه‌نده‌هار 29-1 "
كابول، هه‌رات، مه‌زار شه‌ریف، قه‌نده‌هار 29-1 "
ئه‌مه‌ریكا:
واشتنۆن: 30-1 كاتژمێر 12-3ی دوانیوه‌ڕۆ له به‌رامبه‌ر مه‌كته‌بی پاراستنی به‌رژه‌وه‌ندییه‌كانی كۆماری ئیسلامی ئێران (ویسكانسین ئۆنیۆ – واشتنۆن.
واشتنۆن: 30-1 كاتژمێر 12-3ی دوانیوه‌ڕۆ له به‌رامبه‌ر مه‌كته‌بی پاراستنی به‌رژه‌وه‌ندییه‌كانی كۆماری ئیسلامی ئێران (ویسكانسین ئۆنیۆ – واشتنۆن.
هه‌ولێر: 29-1 به‌رامبه‌ر كونسڵییه‌ی كۆماری ئیسلامی ئێران .
ئارێز داراپوور به‌رپرسی كۆمیته‌ی رۆژهه‌ڵاتی چاودێری كوردۆساید له په‌یوه‌ند به خۆپیشاندانه‌كانی 29-1 بانگه‌وازی هه‌موو كوردستانیان ده‌كات بۆ به‌شداری چالاكانه له سه‌رجه‌م خۆپیشاندانه‌كانی رۆژانی 28 و 29 و 30 مانگ له سه‌رتاسه‌ری جیهان
--------------------------------------------
یه‌کگرتن و یه‌کیه‌تی له پێناو گه‌یاندنی ده‌نگی حه‌قخوازانه‌ی یارسانییه‌کان
له وه‌تی ڕه‌وتی تێکوشان و خه‌بات به هه‌مو شێوه‌کانییه‌وه هاوتوته نێو ژیانی ئاده‌میزاده‌وه، هه‌ڵه ولێکتێنه‌گه‌یشتن، دوبه‌ره‌کی و تێکهه‌ڵچون، سه‌رکه‌وتن وشکه‌ستهێنان، یه‌کییه‌تی و لێکجیابونه‌وه و سه‌دان بیروکه‌ی هاوهه‌ڵویست و دژ به یه‌ک چه به شێوه‌ی کومه‌ڵ و چه به شێوه‌ی تاک به‌شێک بوه له کار وکرده‌وه و ژیان و هزری مرۆڤایه‌تی. ده‌کرێ به‌بێ به دواداچونی زانستی، مێژوی خه‌بات و تێکوشانی ئاده‌میزاد بگه‌ڕێنینه‌وه بو کاتی په‌یدا بونی مروڤ.
چونکه له وه‌ته‌ی مروڤایه‌تی سه‌ریهه‌ڵداوه خه‌بات و تێکوشانیش هه‌بوه. خه‌بات له پێناو ژیان و گه‌شه کردنی کومه‌ڵایه‌تی و داهێنان و به‌رهه‌مێنان وگه‌یشتن به ئامانجه‌کان و نانه‌وه‌ی شه‌ڕ و ئاژاوه بۆ گه‌یشتن به ویست و داخۆازیه‌کان درێژه‌ی هه‌بۆه و تا هه‌نۆکه‌ش درێژه‌ی هه‌یه. ئه‌وه‌ی که بۆ هه‌مۆ لایه‌کی کۆمه‌ڵگای مرۆڤایه‌تی جێگای په‌سند و به زامنی سه‌رکه‌وتنی هه‌ر چین و توێژێک ده‌زاندرێ، یه‌کیه‌تی و یه‌کده‌نگییه. ئه‌مه‌ش تاحه‌دێکی به‌رچاو له نیو کۆمه‌ڵگا ڕۆژئاواییه‌کان جێگای خوی کردوته‌وه و به کرده‌وه نیشانیان داوه که کاری به‌کۆمه‌ل هه‌میشه سه‌رکه‌وتنی زیاتر ده‌سته‌به‌ر ده‌کات و به‌رپرسایه‌‌تییه‌کان له ئه‌ستوی تاک نابێ و به‌مه‌ش به سه‌رکه‌وتن و داشکانه‌وه کۆمه‌ڵێکی یه‌کگرتو لێی به‌رپرسیار ده‌بێ. حیزب و ڕێکخراوه ڕۆژئاوایه‌کان چه وه‌ک ئوپوزیسیون و چه وه‌ک ده‌سه‌ڵات له حکومه‌ت له سه‌ر ئه‌ساسی ئایدیولوژیکی نیزیک به یه‌ک له سه‌ر به‌رنامه و پلاتفورمێکی هاوبه‌ش ڕێکده‌که‌ون و کاری له سه‌ر ده‌که‌ن و له ڕاستیدا قورسایی خۆیان به‌م شێوه نیشان ده‌ده‌ن.
له ڕۆژهه‌ڵاتی ناوه‌ڕاستدا که یه‌شتا دامه‌زراندن و دروستکردنی حیزب و ڕێکخراوه سیاسییه‌کان له سه‌ر ئه‌ساسی بیرۆکه‌ی ڕه‌وابتی دوستایه‌تی، تایفه‌یی، ناوچه‌یی و شایسته‌سالاری دایه، ناتوانێ وه‌ڵامده‌ری جیلی نۆی و عه‌قڵیه‌تی سه‌رده‌م بێت، چونکه ئه‌م شێوه له کارکردن و بیرکردنه‌وه بۆته هۆی درێژه‌دانی کلتوری یه‌کدی قه‌بول نه‌کردن و خۆ به مێهوه‌ر زانین و له ئاکام‌دا ته‌ریک که‌وتنه‌وه له کۆمه‌ڵگا و دورکه‌وتنه‌وه له خواستی کۆمه‌ڵگایه‌ک که بۆی موبارزه ده‌که‌ن.
حیزب و ڕێکخراوه کوردستانی و ئێرانیه‌کانیش وه‌ک به‌شێکی هه‌ڵقوڵاو له‌م فه‌رهه‌نگه بێبه‌ش نەبوه و به داخه‌وه تا ئێستاشی له گه‌ڵدابێ، لایه‌نه سیاسیه‌کانی نێو گۆڕه‌پانی خه‌بات و تێکۆشان به ده‌ست ئه‌م دوبه‌ره‌کی و چه‌ند ده‌سته‌ییه‌وه ده‌ناڵێنن و له ڕاستیدا ئێنرژییه‌کی یه‌جگار زور له‌م مه‌یدانه‌دا به فێڕۆ ده‌چێت و سیستەمی حاکمیش بۆ یارمەتیکردن به‌و دوبه‌ره‌کییه، هه‌میشه و بێوچان له تێکۆشان دا بووه و ده‌بێ، چۆنکه مێژو نیشانی داوه که هیچ چه‌کێک له‌م چه‌کی دوبه‌ره‌کییه تیژتر نیه و ناتوانێ ڕه‌قیبانی خۆی به چوکدا بێنێ. بێگۆمان ئه‌م بابه‌ته ده‌کرێ به چه‌ند قۆناغی جیا جیادا دابه‌ش بکرێ و له ڕوانگه‌ی جۆراوجۆره‌وه شرۆڤه بکرێ، به‌ڵام لێره‌دا مه‌به‌ستی زیاتر له نوسینی ئه‌م بابه‌ته باسێکی کۆرته له په‌رته‌وازه‌یی یارسانیه‌کانی ده‌ره‌وه‌ی وڵات و ئاکام و ده‌ستکه‌وته‌کانی یه‌کگرتن و پێکه‌وه کار کردن.
یارسانیه‌کان له مێژساڵه خاوه‌نی ڕێکخراو و کۆمه‌ڵه‌ی سیاسی و مه‌ده‌نین و له‌م بواره‌دا کاری زۆریان له پێناو ناسینی ناسنامه‌ی یارسانیه‌کان کردوه و جێگای ڕێزی کۆمه‌ڵگاکه‌مانن. به‌ڵام له‌م دواییانه‌دا به دروستبوونی ڕێکخراوه‌کانی جونبش دموکراتیک یارسان (جدی) و یاریکورد هه‌لومه‌رجێکی دیکه دروست بووه و له نێو ئوپوزیسیونی ئێرانی و به تایبه‌ت کوردستانی باسی ناسنامه و حه‌قی پێشیلکراوی یارسانیه‌کان له هه‌رکاتێکی زیاتر که‌وتۆته نێو کار و به‌رنامه‌ی ئه‌م ڕێکخراوانه‌وه و گرنگییه‌کی زیاتری پێ ده‌درێ، که له خۆیدا یه‌کیک له گه‌وره‌ترین ده‌ستکه‌وته‌کانی کار و تێکۆشانی ڕێکخراوه‌کانی جدی و یاریکورده و ده‌کرێ به چاووی ڕێزه‌وه سه‌یری بکرێ. له هەمان کاتیشدا دو ڕێکخراوه‌ی و په‌رته‌وازه‌یی کۆمه‌ڵگای یارسان و به کار بردنی هێز و تواناکان له دژی یه‌کدی و دروستکردنی کلتوری شایسته‌سالاری و یه‌کدی قبوڵ‌نه‌کردن له خاڵه هه‌ره لاوازه‌کانی ئه‌م ڕێکخراونه‌یه که بۆته هۆی ئه‌وه‌ی که حیزب و ڕێکخراه‌کانی دیکه به قازانجی خۆیان بو به‌ره‌وپێشبردنی ئامانجه‌کانیان ده‌ستیان ئاوه‌ڵا بێت و که‌ڵک له‌م دوبه‌ره‌کییه وه‌ربگرن و به پێچه‌وانه‌ش ڕێکخراوه‌کانی جدی و یاریکوردیش نه‌یانتوانیوه ئه‌و سه‌نگی قورسایی خویانه له ساحه‌ی سیاسی کوردستانی و نێوده‌ڵه‌تیدا تاقی بکه‌نه‌وه و وه‌ک ئه‌مری واقع بیسه‌پێنن.
بوونی دو وە چه‌ند ڕێکخراوه‌یی خۆی له خۆیدا یارمه‌تیده‌رێکه بۆ پراکتیزه کردنی دیموکراسی و باوه‌ڕ هێنان به پلوراڵیزمی دیموکراتیک که له‌ودا بتوانرێ حیزب و ڕێکخراوه‌کان له ته‌نیشت یه‌کدی و پێکه‌وه کار بۆ چه‌سپاندنی ماف و ئازادیه‌کان و خواست و ئامانجه‌کانی هه‌ر یه‌ک له حیزب و ڕێکخراوه‌کانی خۆیان بکه‌ن. له هەمان کاتدا زۆر جار نیشانه‌ی پێشکه‌وتوویی سیاسی و کۆمه‌ڵایه‌تی ئه‌و کۆمه‌ڵگایە ده‌ر ده‌خات که پوتانسیلی کاری هاوبه‌ش و پێکه‌وه کار کردن له چوراچێوه‌ی پلاتفورم و به‌رنامه‌یه‌کی هاوبه‌شی تێدا به دیده‌کرێ و مه‌جاڵێک بۆ ته‌مرین و به کاربردنی دروستی دیموکراسی ده‌ڕه‌خسێنێ.
ئه‌زموونی ڕابردو و به تایبه‌تی سێ ده‌یه‌ی ژێر ده‌سه‌ڵاتی نیزامی کوماری ئیسلامی ئێران و پەرش و بڵاوه‌یی حیزب و ڕێکخراوه یارسانیه‌کان خوازیاری ئه‌وه‌یه که حیزب و رێکخراوه سیاسی و مه‌ده‌نی وکلتورییه چاڵاکه‌کانی، له پێناوی خه‌باتی هاوبه‌شیاندا بۆ چه‌سپاندنی مافه زه‌وتکراوه‌کانی خه‌ڵکی به‌شمه‌ینه‌تی یارسان و گه‌یاندنی ده‌نگی نه‌بیستراومان به گویی کۆڕ و کۆمه‌ڵه حقووقییه‌کان و ناوه‌نده ده‌سه‌ڵاتداره‌کانی دنیا، هه‌وڵ بده‌ین زۆرترین هاوکاری و هاوئاهنگیمان پێکه‌وه هه‌بێ، له گه‌ڵ کێشه و ناکۆکییه سیاسی و کۆمه‌ڵایه‌تیه‌کانمان به شێوه‌یه‌کی سه‌رده‌میانه ڕه‌فتار بکه‌یه‌ن و قه‌ت ده‌ستبه‌رداری دیالۆگ و گوفتوگۆ نه‌بین، چۆنکه ئه‌مه باشترین متودی شارستانیانه و سه‌رده‌میانه‌یه که ده‌بێ که‌ڵکی پێویستی لێ وه‌رگرین و پێکه‌وه بۆ به‌ره‌و پێشبردنی ستراتێژی سیاسی و به جێگه‌یاندنی به‌رنامه‌ی خۆمان هه‌وڵی بۆ بده‌ین و بیکه‌یه‌نه به‌رنامه و تاکتیکی سیاسی و کاری هاوبه‌ش. یه‌کگه‌رتن و کارکردن له ژێر چه‌ترێکی یارسانیدا ده‌توانێ نه‌قشی یارسانیه‌کان له نێو ئوپوزیسیونی ئێران و کوردستان گرنگ نیشان بدات و یارسانیه‌کان بکاته مێحوه‌رێکی پته‌و بۆ لێک نزیککردنه‌وه‌ی حیزب و ڕێکخراوه کوردیه‌کان و هه‌روه‌ها ده‌توانێ سه‌ره‌نجی موسبه‌تی کۆمه‌ڵگای نێونه‌ته‌وه‌ییش بۆ لای دۆزی یارسانییه‌کان ڕاکێشێ.
سه‌رخستنی ئه‌م ئه‌رکه گوتاری سیاسی یارسانیه‌کان له کوردستان و له نێو حیزب و ڕێکخراوه کوردستانی و ئێرانیه‌کان یه‌کده‌خا وهێز و ئێنرژییه‌کان زۆر به که‌ڵکتر بکارده‌برێت.
بۆ ئه‌وه‌ی یارسانیه‌کان له هه‌ر ئه‌گه‌رێکی گۆڕانکاری چاوه‌ڕوانکراو ئاماده‌گی هه‌بێ و ئه‌م گۆڕانه له خزمه‌ت ستراتیژیی نه‌ته‌وه‌یی و پروسه‌ی دیموکراتیدا بکشێته‌وه پێویسته کۆتایی به‌م په‌رته‌وازه‌ییه‌ی نێوان هێزه یارسانیه‌کان بهێنرێ و له ژێر چه‌ترێکی یه‌کگرتوودا کۆببنه‌وه.
به له به‌ر چاوگرتنی گرینگی و پێویستی ئه‌م هه‌نگاوه و ده‌ستکه‌وه‌ته‌کانی بۆ به‌ره‌وپێشبردنی موبارزه‌ی حه‌قخوازانه‌ی یارسانیه‌کان، به بڕوای من پێویسته له‌م باره‌یه‌وه هه‌نگاوی بۆیرانه هه‌ڵبگرین وته‌نانه‌ت زۆرێک له پێوانه‌کانی ڕابردوو له به‌رچاو نه‌گرین و شه‌هامه‌ت و ئیخلاقی له خۆبورده‌یی بکه‌یه‌نه سه‌رله‌وحه‌ی دانیشتنه‌کانمان و له هه‌ندێک ده‌سکه‌وتی شه‌خسی و کاتی ده‌ست هه‌ڵگرین، چونکه ئه‌مه قورسایی و هێزی ئێمه له ده‌وری به‌رنامه‌یه‌کی هاوبه‌ش کۆده‌کاته‌وه و به پێچه‌وانه‌ش، نه‌بوونی وه‌ها یه‌کیه‌تی و هاوکارییه‌ک ده‌توانێ زۆرێک ده‌رفه‌تمان له کیس بدا وته‌نانه‌ت له ئه‌گه‌ری گوڕاندا که‌مترین ته‌سیرمان له سه‌ر ڕه‌وه‌ندی به ئه‌نجام گه‌یشتووبێت و بکه‌وینه ده‌ره‌وه‌ی گؤڕانکاریه‌کانه‌وه و چاره‌نوسی کاکه‌یه‌کانی کوردستانی عێراقمان لێ دۆپات بێته‌وه.
هۆی ئه‌وه‌ی که ئێستا یارسانیه‌کان به دڵه‌وه بۆ په‌یدا کردنی میکانیزمێک بۆ یه‌کخستنه‌وه‌ی ماڵی یارسانیه‌کان له هه‌وڵ و تێکۆشان دان، ده‌بێ ئه‌وه بێ که به‌رپرسان و ڕێبه‌رانی ئه‌م ڕێکخراوانه ده‌نگ و خواستی خه‌ڵک ده‌بیستن و به‌م کاره‌ش ئاماده‌ن و‌ڵامده‌ری چاوه‌ڕوانییه‌کانیان بین. بویه ئه‌رکی هه‌ر تاکێکی یارسانیه چه به شێوه‌ی کومه‌ڵ و چه به شێوه‌ی تاک بۆ سه‌رخستنی ئه‌م پروسه‌یه له هیچ فیداکارییه‌ک درێغی نه‌که‌ن و له ڕێگای جوراوجوره‌وه گۆشاره‌کانیان بو سه‌ر ڕێبه‌رایه‌تی ڕێکخراوه‌کانی یاریکورد و جدی زیاتر بکه‌ن و به کرده‌وه و به شێوه‌یه‌کی شارستانیانه و ئه‌مڕو په‌سه‌ند بێزاری خویان له دوبه‌ره‌کی و دو ده‌سته‌یی یارسانیه‌کان ده‌رببڕن، چونکه ئه‌مه ته‌نیا له خزمه‌ت قازانجه‌کانی ناحه‌زانی کۆمه‌ڵگای یارسانه و هیچ خێر و بێرێک بۆ خه‌ڵکی یارسان و دوزه ڕه‌واکه‌ی به دیاری ناهێنێ.
هه‌ر له‌م ڕاستایه و له پێناو دروستکردنی به کرده‌وه‌ی ئه‌م یه‌کیه‌تییه چاوه‌ڕوانکراوه وه‌ک تاکێکی یارسانی و ئه‌ندامی شورای ناوه‌ندی یاریکورد ده‌نگی خۆم ده‌خه‌مه پاڵ ده‌نگی ته‌واوی ئه‌و که‌سانه‌ی که دڵیان بۆ یه‌کگرتوویی ماڵی یارسانی لێده‌دات و به کرده‌وه هه‌روه‌ک له ڕابردوش نیشانم داوه له ته‌وای ده‌سه‌ڵاتی خوم بۆ گه‌یاندنی ئه‌م په‌یامه که‌ڵک وه‌رده‌گرم و له‌و باوه‌ڕه دام که هه‌ر دولا به‌و واقعیه‌ته گه‌یشتون که له ئه‌گه‌ری یه‌کنه‌گرتن، هیچ پاساوێک ناتوانێ تاکه‌کانی نێو کۆمه‌ڵگای یارسانی رازی بکات و له ده‌وری ئه‌م دۆ ڕێکخراوه کویان کاته‌وه. به دڵنییایه‌وه به‌و ئاکامه گه‌یشتوم که یه‌کنه‌گرتن، نه‌ک هه‌ر ده‌بێته هۆی بێباوه‌ڕی زیاتری خه‌ڵک، به‌ڵکۆ ده‌بێته هۆی مه‌رگی سیاسی ئه‌م ڕێکخراوانه، چونکه هه‌موو لایه‌ک ئاگاداره که ئێمه بۆ خه‌ڵک دروستکراوین و مه‌شروعییه‌تیشمان هه‌ر له خه‌ڵک وه‌رگرتووه و به دورکه‌وتنه‌وه‌ی خه‌ڵک له ده‌وری ئه‌م پروسه‌یه و وه‌رگرتنه‌وه‌ی ئه‌و متمانه و باوه‌ڕه‌ی که خه‌ڵک به ئیمه‌ی داوه موجودییه‌تی ئه‌م ڕێکخراوانه‌ش ده‌که‌وێته خه‌ته‌ری له ناوچونه‌وه. بۆ پێشگیری کردن له‌م خه‌ته‌ری له ناوچونه، ته‌نیا یه‌ک ڕێگامان له به‌ردەم دایە، ئه‌ویش له خۆبوردویی، یه‌کدی قبوڵکردن، تولێرانس و واقعبینی که هانمان بۆ یه‌کگرتنی یه‌کجاره‌کی ده‌دات و به‌مه‌ش ده‌کرێ هیوادار به یه‌کخستنی پروسه‌ی یه‌کگرتن و پێکه‌وه کارکردن بین.
هێوادارم که له داهاتویه‌کی زۆر نیزیکدا موژده‌ی ئه‌م یه‌کگرتنه به خه‌ڵک و دوستانی گۆمه‌ڵگای یارسان بده‌ین.
مه‌نوچه‌ر عه‌زیزی
دانمارک
هیچ نظری موجود نیست:
ارسال یک نظر